२०५९ माघ २ गते देखि ललितपुर नगर क्षेत्रमा नेपाल सरकारद्वारा स्वीकृत राष्ट्रिय भवन निर्माण संहिता( (National Building Code ) नेपाल अधिराज्यमै सबैभन्दा पहिले ल.पु.उ.म.न.पा.द्वारा लागु गरिएको छ ।
राष्ट्रिय भवन निर्माण संहिता अनुसार भूकम्प सूरक्षात्मक प्रविधि अवलम्बन गरी बनाइएको नक्सा बमोजिम मात्र भवन निर्माण गर्ने गरी नक्सा स्विकृत गर्ने प्रणाली लागू गरिएको छ ।
भूकम्पबाट हुन सक्ने क्षतिलाई न्यूनिकरण गर्न र जनचेतना अभिवृद्धि गर्ने उद्देश्यले निम्न व्यक्तिहरुलाई भूकम्प सूरक्षात्मक प्रविधिबारे प्रशिक्षण दिईएको ।
- नक्सा बनाउने डिजाइनर
- भवन निर्माण गर्ने डकर्मी
- न.पा.का प्राविधिक कर्मचारी
भूकम्प सूरक्षात्मक प्रविधिबारे जनचेतना अभिबृद्धि गर्ने उद्देश्यले निम्न व्यक्तिहरुलाई भूकम्प सूरक्षात्मक प्रविधिबारे नियमित रुपमा जानकारी Orientation प्रदान गर्ने गरिएको ।
- घर निर्माण गर्नचाहने घरधनीहरु
- विभिन्न विद्यालयका विद्यार्थीहरु
- जनप्रतिनिधिहरु
भूकम्प सूरक्षात्मक प्रविधि सम्बन्धि जानकारी मूलक अध्ययन सामग्रीहरु Publications को प्रकाशन र प्रचार प्रसार गर्ने गरिएको ।
भूगर्भविदहरुका अनुसार नेपाल भूकम्पिय सम्बेदनशील क्षेत्रमा पर्दछ ।
प्रत्येक ८०-९० वर्षो अन्तरालमा नेपालमा ठूलो भूकम्प आउने सम्भावना रहेको ।
१९९० साल माघ २ गते गएको महाभूकम्पमा परी दिवंगत हुनेहरुको संस्मरण गर्दै भूकम्पबाट सचेत रहन जनचेतना अभिवृद्धि गर्ने उद्देश्यले नेपाल सरकारको निर्णयानुसार २०५५ साल देखि प्रत्येक वर्षमाघ २ गतेको दिनलाई भूकम्प सुरक्षा दिवसको रुपमा मनाउने गरिएको ।
उपत्यकाका तिनवटै नगरपालिकाहरुले प्रत्येक वर्षपालै पालो गरी भूकम्प सूरक्षा दिवस राष्ट्रिय कार्यक्रमको आयोजना गर्ने व्यवस्था रहेको
प्रकोप नियन्त्रण तर्फ-भूकम्प,बाढी पहिरो, आगलागि
- नगरप्रमुखको अध्यक्षतामा नगर स्तरीय प्रकोप व्यवस्थापन समिति गठन गरिएको छ ।
- सानेपा र गावहालमा उद्धार सामाग्री भएको २ वटा कन्टेनर राखिएको छ ।
- यसका लागि स्वयं सेवक छनौट गरी तालिम दिने कार्यक्रम रहेको
- Red Cross Society को पहलमा वडा नं. ७, ९, १६हरुमा वडा स्तरीय प्रकोप व्यवस्थापन उप-समिति गठन भएको छ ।
- उपकरण प्राप्त भएको छ ।
- स्वयं सेवक छनौट गरी तालिम प्रदान गरिएको छ ।
माथी |
